Editing Openai/69176012-c510-8012-b593-b76cea1a6fad (section)

=== User: 1. ===
# Dimensioni dekolonial i politikës së Kurtit më së miri mund të shprehet me qasjen e tij ndaj dialogut me Presidentin Vuçiq në bisedimet e ndërmjetësuara nga Komisioni Evropian i BE. Në këto bisedime ai arriti të vendosë Kosovën si partnere e barabartë në tryezën e dialogut. Përveç kësaj, veprimet e tij konkrete që i ka bërë me rastin e sulmit terrorist të njësive paramilitare në fshatin Banjska në vitin 2023, pasqyrojnë qëllimin e tij të qartë për vendosjen e rendit dhe ligjit në pjesën veriore të Kosovës. 2. Në aspektin diplomatik Kurti arriti të ndryshojë diskursin e bisedimeve prej: Prishtinë-Beograd në Kosovë-Serbi, duke e sfiduar tërë diplomacinë ndërkombëtare, sidomos atë evropiane që të heqë dorë nga statusi diskriminues ndaj Kosovës (që ende trajtohet me fusnotë (*) pasi që BE ende nuk e njeh si shtet. Kjo qasje e Kurtit e avancoi pozitën e Kosovës në arenën diplomatike, por gjithashtu edhe në Kosovë. 3. Veprimet e Qeverisë së Kurtit në mandatin e fundit kundër korrupcionit, ngritjes së standardeve të llogaridhënies institucionale, sidomos ato financiare, eliminimin e doganave që ishin nën operimin e operatorëve privat, forcimi i aftësisë mbrojtëse ushtarake të Kosovës janë vetëm disa nga arritjet që tregojnë vendosmërinë e Kurtit për forimin e institucioneve dhe ngritjen e standardeve demokratike në vend.